నేను సరిగ్గా నీ వెనుకే ఉంటాను
నీ గది తలుపు వెనుకే నేనున్నా
అంతా కలియజూస్తావు నన్ను తప్ప.
నా కళ్ళు నిన్ను చూస్తూనే ఉంటాయి
నీ కళ్ళు మూసిన తక్షణం నీ ముందుంటాను.
నువ్వు పరధ్యానంలో ఉన్నప్పుడు
నీ చెవిలో నేను గుససలాడుతాను.
ఎదురుచూస్తూనే ఉంటా నీలో ప్రశ్నగా
నా సమాధానాన్నీ సైతం నువ్వు సందేహిస్తావు.
నువ్వు చాలా గొప్పనుకుంటావ్
నీ మేధస్సు నిజమనుకుంటావ్
ధైర్యం నటిస్తావ్, కానీ
నీ గుండెల్లో నిద్రపోయే నిజం నేను.
నువ్వు తప్ప మరెవ్వరూ ఈ లోకంలో లేనప్పుడు
నువ్వు నన్ను చూస్తావ్!
