ఊగనీ అలా... by రవీంద్రనాథ్ టాగోర్.

ఊగనీ అలా

చిగురాకు చివరల
హిమ బిందువులా 

కాలపు అంచుల పై
నర్తించని అలా
ఈ జీవితమనే కల !

ఆంగ్లం  - రవీంద్రనాథ్ టాగోర్.

అనువాదం : సత్యప్రసాద్ పెమ్మరాజు.

నేను నేను కాను.. by రూమీ (1207 - 1273)

నేను నేను కాను,నువ్వు నువ్వు కావు,

నువ్వు నేను కాను.నువ్వు నువ్వే కానీ నువ్వు నేనే 

మనమిలా ఒకటైన ప్రతిపూటా 

వెర్రి మనసు అడిగేనొక మాట : 

నేను నువ్వా లేక నువ్వు నేనా.

అనువాదం : సత్య ప్రసాద్ పెమ్మరాజు. 

కల.. సీతాకోకచిలుకలా by చువాంగ్ జు.

నే కన్నానొక కల,
నేనొక సీతాకోకచిలుకలా !
ఎగురుతున్నా అంబరాన అలా అలా ;
మెలకువలో ఆశ్చర్యపోతున్నా ఇలా:
సీతాకోకచిలుకలా కలగన్న నేను మనిషినా?
లేక మనిషిలా కలగంటున్న సీతాకోకచిలుకనా?

అనువాదం : పెమ్మరాజు సత్య ప్రసాద్.