ఆమె పూర్తి నగ్నంగా లోనికి వచ్చినపుడు.
వాళ్ళందరూ తాగుతున్నారు: అందరూ కాండ్రించి ఉమ్ములు ఊసారు !
ఆమె ఇప్పుడే నది నుంచి వచ్చింది, ఆమెకేమి తెలియదు.
ఆమె ఒక దారితప్పిన మత్స్యకన్యక,
ఆమె మెరిసే మాంసం మీద హేళనలు కురుస్తున్నాయ్ !
అసభ్యాలతో ఆమె బంగారు వక్షాలు కుంచించుకుపోయాయ్,
కన్నీటిని ఆమె ఎరుగదు, ఆమె కన్నీరు పెట్టుకోలేదు,
వస్త్రాలను ఆమె ఎరుగదు , ఆమె వస్త్రాలు ధరించలేదు.
తగులబడిన బిరడాలతో, నుసిమేసిన సిగరెట్ పీకలతో,
ఆమెకు నల్లరంగు వేసేసారు !
తెగ నవ్వుతూ మద్యశాల నేలపై పొర్లించారు.
ఆమె ఏమీ మాటాడలేదు, ఆమెకు మాటలు రావు.
ఆమె కనులు, సుదూర ప్రేమ వర్ణాలు,
ఆమె బాహువులు, శ్వేత పుష్యరాగాలు,
మరకత కాంతుల్లో ఆమె పెదవులు నిశ్సబ్దంగా కదిలాయి,
హఠాత్తుగా ఆమె, గుమ్మం దాటి బయటకు వెళ్ళిపోయింది,
నదిలోకి ప్రవేశించి శుభ్రపడిoది,
వర్షంలో పాలరాయిలా మెరిసింది,
వెనక్కు చూడకుండా మరల మరల ఈతలేసింది,
శూన్యం లోనికి ఈదింది, మరణం లోనికి ఈదింది !!
