ఈ లోకం ఒక వృక్షం ! by రూమీ (1207 – 1273)

నేస్తమా! ఈ లోకం ఒక వృక్షం ,
దాని కొమ్మకు వేలాడే పిందెలం మనం!

ఆ చెట్టు కొమ్మ పచ్చి కాయలనెందుకు గట్టిగా పట్టు?
అది, మనం జారిపడి బేజారవకుండా కాపాడే గుట్టు!

రంగు తిరిగి తీపెక్కిన ఫలాలను మాత్రం ,
తేలికగా వాటి  కాళ్ళ పైన వదిలేస్తుందీ సూత్రం !
-
-
-
-
అనువాదం: పెమ్మరాజు సత్య ప్రసాద్.
చిత్రం : విలియం అడాల్ఫ్ బోగారియా.
************&***********

లే!... by రూమీ (1207 – 1273)

లే! నీ మోర వినగలిగే విశ్వాస వనాలు వీస్తున్నాయ్,
లే!  నెరవేరబోతున్నాయ్ నీ విన్నపాలు ! 

నీరస ఆత్మల నిరాశా లోకాన్ని వదిలేయ్, 
లే! నీకు జవాబివ్వటానికి  ప్రార్థనాద్వారాలు తెరచుకున్నాయ్ !
-
-
-
-
అనువాదం : పెమ్మరాజు సత్యప్రసాద్ 
చిత్రం : మొర్తెజా కటౌజియాన్.
*******&*******