సుడిగుండపు స్త్రీనదిలో
సాగుతోంది నా వేట
ఒకటైనా పట్టకపోనా
నీ పోలిక ఇందరిలో !
వాలు జడలు, వాలే
నునుసిగ్గు నయనాలు,
అలల నురుగుల తేలే
నాజూకు నడకలు !
హఠాత్తుగా పట్టానొక పోలిక
అచదరపు నీ నఖముల
అదురుపడే ఆ రూపు ఒక
చెర్రీ పండు చెల్లెళ్ళ చూపు!
అంతలో నను తాకి సాగాయి
అవిగో నీ కురులు, నే చూశా
బహుశా నీ రూపం,
నీటి అడుగున రగులుతున్న
ఒక భోగి మంట !!
ఎంతో వెతికా నేను
వేరెవరిలో లేవు నీ హొయలు,
నీ వెలుగు, వనాలనుంచి తెచ్చి
పరచిన నీ దివాఛాయ.
ఎవ్వరికి లేవు నీ చిట్టి చెవులు !
నువ్వొక పూర్ణం, నిక్కచ్చిగా నీలో
ప్రతిదీ ఒక సంపూర్ణం,
కనుక మరి నేను
నీ వెంటే తేలుతా ప్రేమలో
ఈ విశాల మిసిసిపీ నదిలా
నీతోనే సాగుతా
స్త్రీత్వసాగరంలో సంగమిస్తా !!
No comments:
Post a Comment