అసలు నీ బాధేమిటి? మనతో,
మనమేమైపోతున్నాం అసలు ?
ఆహా! మన ప్రేమతంత్రే
మనల్ని చుట్టిపారేస్తోంది
గట్టిగా, గాయమయ్యేవరకు.
ఈ గాయాన్ని తప్పించుకుందామనుకుంటే,
వదిలించుకుందామనుకునేలోపే
మరోక్రొత్త ముడిని బిగించి
సర్వనాశనం చేసేస్తోంది,
రక్తం తోడేస్తోంది,
జంటగానే తగలబెట్టేస్తోంది.
నీకేమైంది అసలు? నీ వైపు
చూసే నాకు మరేవి కానరావు
నీ జంట నయనాలు తప్ప,
నేను చూసిన
ఎన్నో నయనాలలొ నీవీ ఒకటి,నీ నోరూ
అంతే,నేను ముద్దాడి వదిలేసిన
వేల నోళ్ళలో ఒకటి,చాలా అందమైన
నీ శరీరం,జ్ఞాపకాలేమీ మిగల్చకుండానే
నా క్రింద నుంచి జారిపోయిన ఎన్నో
శరీరాలలో ఒకటి !
ఈ లోకం నీకెంత శూన్యం
జేగురు రంగు జాడి లాగా
గాలీ లేక,ధ్వనీ లేక
పదార్ధ శూన్యమై!!
నా నిరాశా హస్తాలు,నీలో
లోతును వెతికాయి,
అగాధం;నీ దేహం
నీ కనులు శూన్యం.
కానీ,
నీ పలుచటి గుండెల క్రింద
ప్రవహిస్తోంది ఒక
స్ఫటికప్రవాహ గానం!
ఎందుకు?ఎందుకు?ఎందుకు?
ఓ ప్రియా! ఎందుకు?
No comments:
Post a Comment