నీ పాదాలు ...... by Pablo Neruda.

నేను నీ ముఖారవిందాన్ని చూడనప్పుడు

నీ పాదాల వైపు చూస్తాను.
నీ వంపువెముకల మండప పాదాలు ,
నీ చిట్టి, గట్టి పాదాలు.
నాకు తెలుసు, అవి నిన్ను నిలబెడతాయి,
వాటి మీదుగానే నీ తీయనిభారం
ఉదయిస్తుంది.
నీ నడుము, నీ వక్షాలు
నీ చూచుక ముదురు ధూమ్రవర్ణo.
ఇప్పుడే అలా గాలిలో తేలుతూ వెళ్ళిపోయిన
నీ కనుపాపలు,
విశాల ఫల అధరాలు,
నీ కెంపు జడలు.
కానీ, నా చిట్టి  గోపురమా,
నేను నీ పాదాలనే ప్రేమిస్తాను,
కేవలం ఒకే ఒక కారణానికి : అవి
భూమి పై నడిచాయి ,
గాలి పై నడిచాయి,
నీటి పై నడిచాయి,
నన్ను వెతికి పట్టుకునేవరకు ........