కోరిక............ by Pavankumar Jain.

నాకో కోరిక ఉంది,
ఈ జీవితాన్ని ఇక ముగించేయాలని,
కాని ఇవాళ కాదు,
అంతగా చెప్పుకోదగ్గ రోజు,
కాదు ఈ రోజు.

పైగా ,
ఇంకా రెండు గాజుబుడ్లున్నాయి,
నేను శుభ్రం చేయాల్సినివి,
క్షురకుడి వద్దకు వెళ్ళాలి,
కాటరాక్టు ఆపరేషను కూడా అయింది,
మొక్కలకు నీళ్ళు పోయాలి,
(ఇప్పుడు అవి పూసే సమయం)
పైగా చూసుకోవాలిసిన చిన్నచెల్లెలు కూడా ఉంది,
వాడికోసం నేనింకా కలలు కంటూనేఉన్నా,
కోట్ల ఆస్తి నాకు రాసిపారేసే అపరిచితుడి కోసం.

ఇప్పటికైతే అందులో పెట్టేస్తా
ఈ చావుగోలను,
నా చీకిపోయిన నల్లసంచీలో,
దాన్నిండా బొక్కలే,
దాన్ని మేకుకి తగిలిస్తా,
ఆ గోడకి వేలాడేస్తా.

నిజం చెప్పాలంటే,
నేనొక సన్యాసినైపోవాలనుంది,
కాని చాలా సంవత్సరాలు పట్టేటట్టుoది,
ఒక దారిలో పడాలంటే,
నా చుట్టూ ఉన్న ఈ చికాకులన్నీ.

ఎబ్బెట్టుగా కూడా ఉంది,
గోచీ పెట్టుకుని బయట తిరగాలంటే,
ముష్టి కోసం అడుక్కుంటూ,

అదొకటి,
ఇంకా మహాతల్లులున్నారు,
వాళ్ళ పిల్లల్ని భయపెట్టటానికని,
మనల్ని చూపిoచి:
అడుగో బూచాడు అంటారు.
అంత తేలిక కాదు ఇవన్నీ
అలవాటవ్వాలంటే,
అసలు సరైనపని ఏమిటంటే, దీన్నికూడా
చీకిపోయిన నా నల్లసంచీలో వేసేయటమే,
వాడొచ్చి మిమ్మల్నే పట్టుకుంటాడు !!